Сумрачные дали

обучение магии, гаданию на картах, рунах, восстановление семьи, защиты, чистки, привороты, диагностика негатива, рунические ставы, талисманика, мусульманская магия
 
ФорумФорум  Последние изображенияПоследние изображения  РегистрацияРегистрация  ВходВход  

Поиск
 
 

Результаты :
 
Rechercher Расширенный поиск
Последние темы
» ПОСЛЕДНЯЯ ЦИФРА ГОДА ВАШЕГО РОЖДЕНИЯ РАСКРОЕТ ТАЙНУ ВАШЕЙ ЖИЗНИ..
Акафист святой мученице Татиане EmptyВс Окт 11, 2020 3:34 am автор тётя соня

» Г. Никульникова «Учебное пособие по таро»
Акафист святой мученице Татиане EmptyСр Мар 11, 2020 3:26 pm автор Svetlana S

» Соболь. Обретение любви.
Акафист святой мученице Татиане EmptyСр Мар 11, 2020 3:25 pm автор Svetlana S

» Литература по картам Таро
Акафист святой мученице Татиане EmptyВс Мар 08, 2020 3:05 pm автор Svetlana S

» Чистка денежного канала
Акафист святой мученице Татиане EmptyВс Янв 26, 2020 10:39 am автор Svetlana S

» "Длинная деньга" обряд на устойчивый финансовый поток
Акафист святой мученице Татиане EmptyПн Июн 17, 2019 3:59 pm автор тётя соня

» ОБЕРЕГ НА СЕБЯ
Акафист святой мученице Татиане EmptyСр Янв 23, 2019 5:33 pm автор Счастливая

» 18 января Святое Богоявление. Крещение Господне
Акафист святой мученице Татиане EmptyПт Янв 18, 2019 6:03 am автор светлана25

» Хорарная астрология и Таро
Акафист святой мученице Татиане EmptyСр Ноя 21, 2018 6:42 pm автор Angel334-76

Фазы луны
Фазы Луны на RedDay.ru (Москва)
Март 2024
ПнВтСрЧтПтСбВс
    123
45678910
11121314151617
18192021222324
25262728293031
КалендарьКалендарь
Кто сейчас на форуме
Сейчас посетителей на форуме: 15, из них зарегистрированных: 0, скрытых: 0 и гостей: 15 :: 1 поисковая система

Нет

Больше всего посетителей (169) здесь было Сб Май 14, 2022 2:49 pm
Самые активные темы
ПОБОЛТАЕМ? общение на любые темы
БЕСЕДЫ В СУМРАКЕ
БЕСЕДЫ В СУМРАКЕ
С ДНЕМ РОЖДЕНИЯ!!!
ДОБРО ПОЖАЛОВАТЬ! ПРЕДСТАВЬТЕСЬ!
Приглашаю на чашечку ароматного кофе!!!!
КАКИМИ Я ВИЖУ НАШИХ ФОРУМЧАН?
живое /неживое треннинг
СТИХИ, КОТОРЫЕ ЗАПОМНИЛИСЬ...
Расклад на вопрос
Сумрачные дали
ВНИМАНИЕ !!!!!!


МЕТОДИКИ, СТАТЬИ, РИТУАЛЫ ВЫЛОЖЕНЫ В ОЗНАКОМИТЕЛЬНЫХ ЦЕЛЯХ,ПРИ ПРАКТИЧЕСКОМ ПРИМЕНЕНИИ ПРОВЕДЕНИЯ ОБРЯДОВ И РИТУАЛОВ,ВЫ ВОЗЛАГАЕТЕ ВСЮ ОТВЕТСТВЕННОСТЬ ЗА ПОСЛЕДСТВИЯ НА СЕБЯ.

статистика
Openstat
яндекс метрика
Яндекс.Метрика
раскрутка сайта
бесплатная раскрутка сайта
Карта сайта
лента


 

 Акафист святой мученице Татиане

Перейти вниз 
АвторСообщение
EVSENIYA

EVSENIYA


Сообщения : 501
Дата регистрации : 2015-08-16

Акафист святой мученице Татиане Empty
СообщениеТема: Акафист святой мученице Татиане   Акафист святой мученице Татиане EmptyВт Дек 13, 2016 10:30 pm

Кондак 1

Избранней невесте Христа, Вседержителя твари, похвальная пения восписуем, чистоту жития твоего девственнаго восхваляюще и лобызающе честная страдания Твоя; ты бо ныне ликуеши в чертоге небеснем твоего Жениха Христа. Поминай прославляющих тя пении сими, да зовем ти:

Радуйся, благоуханный цвете девства, славная мученице Татиано.
Икос 1

Ангелов Творец избра тя из древняго Рима, да песнопоеши житием твоим святое имя Божие, от лет детства твоего воспитана бысть в страсе Божии и добродетелех, сего ради зовем ти:

Радуйся, юнице сладкоблагоуханная; радуйся, Божественное Писание возлюбившая.

Радуйся, благочестие в себе воспитавшая; радуйся, богобоязненному родителю внимавшая.

Радуйся, от него семена веры приявшая; радуйся, в страсе Божии воспитанная.

Радуйся, паче всех благ вечная блага возлюбившая.

Радуйся, благоуханный цвете девства, славная мученице Татиано.
Кондак 2

Видящи богобоязненный родитель твой житие твое, всечестная, насладися дарований Божественных в тебе, паче бо знатности своея и власти консульския любляше Христа, всяк день хвалу Ему поя: Аллилуиа.
Икос 2

Разум небесный тебе даровася, егда достигла еси юности твоея и восхоте тогда житие твое проводити в девстве и целомудрии. Христос же Бог, укрепляя тя в сих добродетелех, прият тя в небесная селения. Сего ради приими от нас пения сия:

Радуйся, птице, парящая в Небеса; радуйся, девство и целомудрие бысть твои криле.

Радуйся, Бога предпочетшая миру; радуйся, юность свою Христу посвятившая.

Радуйся, ластовице Божественнаго сада; радуйся, токмо ко Христу любовию пламенеющая.

Радуйся, служившая Ему день и нощь.

Радуйся, благоуханный цвете девства, славная мученице Татиано.
Кондак 3

Сила Божественныя любве в тебе содела тя служительницей Христу, бысть бо избрана и поставлена на славное служение диакониссы, и оттоле, служащи Церкви в радости велией, возглашаше непрестанно: Аллилуиа.
Икос 3

Имеющи ревность о Церкви Божией, в новом звании подвизалася еси, труды и подвиги усугубляя и подобно безтелесным Ангелом служа ближним во Христе. Мы же, отягченнии грехми, сице глаголем ти:

Радуйся, молитвою услаждавшая житие твое; радуйся, в звании диакониссы послужившая.

Радуйся, в темницах узников посещавшая; радуйся, им узы врачевавшая и украшавшая.

Радуйся, добропобедное постничества правило; радуйся, ко крещению жен приуготовлявшая.

Радуйся, благодати крещения споспешнице; радуйся, бедных и вдовиц окормлявшая.

Радуйся, в беде и несчастии отраду носящая

Радуйся, благоуханный цвете девства, славная мученице Татиано.
Кондак 4

Бурю злых напастей претерпе нечестивый царь Антонин Илиогабал, егда тело его, влекомо по граду, с поруганием ввержено бысть в реку Тибр, воином же возведшим на царство Римское Александра Севира. Ты же, всеславная мученице, пострадала за Христа во дни его царствия, песнопоя Богу: Аллилуиа.
Икос 4

Слышаще и видяще яко млад есть царь Александр Севир, нечестивии консулы притесняху христиан, злочестивый и зверонравный епарх Ульпиан убийство галилеян помысля, повеле кланятися римским богам. Бысть бо страх велий тогда и потече яко вода кровь мучеников. Ты же, всеблагая Татиано, не убоялася еси страха человеческаго; сего ради мы с любовию восклицаем ти:

Радуйся, заблуждению царя Александра Севира посмеявшаяся; радуйся, Христа и идолов не сочетавшая в поклонении.

Радуйся, токмо единому Христу послужившая; радуйся, идолы яко сатану вменившая.

Радуйся, Ульпианова страха не убоявшаяся; радуйся, сочетанию со Христом себе приуготовлявшая.

Радуйся, правоверия цевнице; радуйся, страха смертнаго низложительнице.

Радуйся, благоуханный цвете девства, славная мученице Татиано.
Вернуться к началу Перейти вниз
EVSENIYA

EVSENIYA


Сообщения : 501
Дата регистрации : 2015-08-16

Акафист святой мученице Татиане Empty
СообщениеТема: Re: Акафист святой мученице Татиане   Акафист святой мученице Татиане EmptyВт Дек 13, 2016 10:31 pm

Кондак 5

Божественный свет осия житие твое, святая мученице, егда приспе время страданий твоих. Ты бо, облеченная светом, взошла еси в горнило страданий и бысть радостны раны твоя смертныя. Ангели бо служаху тебе и восклицаху непрестанно Богу: Аллилуиа.
Икос 5

Видя чистое житие твое, вожди язычестии яша тя яко христианку и ведоша в языческий храм на поклонение. Ты же вознесе молитву Христу Богу, и паде Аполлон, бог языческий, обвалися капище идольское, и мнози идолопоклонницы смерть прияша. Мы же, чтуще силу молитвы твоея, глаголем:

Радуйся, Аполлону не поклонившаяся; радуйся, силу молитвы стяжавшая.

Радуйся, молитвой идолы сокрушившая; радуйся, тобою бо капище проседеся.

Радуйся, тобою бо идолопоклонницы посрамишася; радуйся, тобою бо научишася поклонятися Единому Богу.

Радуйся, страх поколебавшая; радуйся из Аполлона беса изгнавшая.

Радуйся, тень беса и рыдание диавольское показавшая.

Радуйся, благоуханный цвете девства, славная мученице Татиано.
Кондак 6

Проповедует житие твое велию любовь ко Христу и подвиги. Ты бо подвигами и молитвою низложила еси идольское зломыслие. Ты бо молитвою посрамила мучители, когтьми железными терзающих тело твое, изнемогоша бо мучители и возопиша: Терпим бо сами жестокая мучения за праведницу сию. Ты же ликующе пояше: Аллилуиа.
Икос 6

Возсия свет Христов в воинех, мучивших тя, егда увероваша в истиннаго Бога возопиша ти: Прости ны, служительнице истиннаго Бога, прости, ибо несть нашея воли на страдание твое. И от того часа бысть чада Божия. Мы же, восхваляюще чудеса милости Божия, зовем:

Радуйся, страданием ко Христу возводящая; радуйся, Ангелами охраняемая.

Радуйся, за своих мучителей молившаяся; радуйся, светом Христовым озарившая воины.

Радуйся, приведшая их в воинство небесное; радуйся, осмь воинов страданием за Христа венчавшая

Радуйся, молитвою твоею им очи отверзшая, радуйся, мучения своя на мучителей перенесшая.

Радуйся, благоуханный цвете девства, славная мученице Татиано.
Кондак 7

Хотя воврещи на поклонение идолом, тя ведоша в судилище и мучением предаша беззаконнии язычницы. Ты же явилася здрава и цела, лице же твое бысть светло и радостно, и страхом объят бысть судия нечестивый, повеле паки и паки предати тя горьким мучениим. Тя же охраняше Ангели, служители Бога, поюще: Аллилуиа.
Икос 7

Новаго чуда бысть свидетели, яко сосца твоя урезанная источиста вместо крове млеко и тело твое обнаженное мучений ради и ножем секомое, источи благоухание. Разъярився нечестивый мучитель и повеле крестообразно на земли распрострети тя и бити жезлы железными. Мы же, чудящеся страданием твоим, рцем ти похвалы таковыя:

Радуйся, Христу сораспятая доблественне; радуйся, мучителей устрашившая и удивившая.

Радуйся, к изнеможению их приведшая; радуйся, цевнице мужества веры.

Радуйся, яко тело твое источи благоухание неба; радуйся, урезанными сосцы воскормившая сонмы мучеников за Христа.

Радуйся, яко и ныне благоухаеши молитвою к Богу; радуйся, не оставляющая нас своею помощию.

Радуйся, благоуханный цвете девства, славная мученице Татиано.
Кондак 8

Странное чудо видим на тебе, всеблаженная, како в темнице нощию молящеся и воспевающе Христу хвалы, небеснаго света сподобися озарения и Ангелов Божиих купно славословление приимаше. Тако и ныне в райских селениих со Ангелы песнопоеши: Аллилуиа.
Икос 8

Весь рачитель злобы бысть епарх, егда паки узре тя здраву и светлу, изведену из темницы на судилище, хотеша ласкою соблазнити тя на поклонение идолом. Ты же, ведая силу молитвы твоея, в храм Дианы направи нозе твоя, устремися же бес из богини злочестивыя и возопиша: Горе мне, горе! камо бегу; огнь бо снедает мя. Сего ради, победительнице бесов, вопием ти радостно:

Радуйся, лести епарха не внявшая; радуйся, в храм Дианы вошедшая.

Радуйся, молитвою низведшая с неба огнь и капище Дианы разрушившая; радуйся, молитвы великий пламеню.

Радуйся, яко бесы присутствия твоего трепетаху и бежаху; радуйся, крестным знамением безстрашно себе осенявшая.

Радуйся, в молитве очи к небу возводившая; радуйся, лучи благодати от неба испросившая.

Радуйся, благоуханный цвете девства, славная мученице Татиано.
Вернуться к началу Перейти вниз
EVSENIYA

EVSENIYA


Сообщения : 501
Дата регистрации : 2015-08-16

Акафист святой мученице Татиане Empty
СообщениеТема: Re: Акафист святой мученице Татиане   Акафист святой мученице Татиане EmptyВт Дек 13, 2016 10:32 pm

Кондак 9

Все естество ангельское удивися силе молитвы твоея, егда множество не ведящих Бога падоша и смертный страх прияша, опаленнии огнем, и восхвалиша Бога, дивнаго во святых своих, песнею: Аллилуиа.
Икос 9

Витии многоглаголивии не могут восхвалити тя по достоянию, славная мученице Христова. Кто бо возможет величие страданий твоих изрещи? Кто подвиги твоя воспоет достойно? Токмо надеясь на неизреченную милость твою, дерзаем принести ти сия похвалы:

Радуйся, сладость христианских сердец; радуйся, нам приносящая милость от Бога.

Радуйся, молитве научающая нас усердно; радуйся, прошением нашим внемлющая.

Радуйся, яко скоро прошения приносиши Богу; радуйся, яко горьких мучений избавляеши.

Радуйся, благоуханная ветве райская; радуйся, чертогов Отчих жительнице.

Радуйся, Царствия Небеснаго наследнице.

Радуйся, благоуханный цвете девства, славная мученице Татиано.
Кондак 10

Спасительнаго твоего подвига зряще течение, восхваляем страдания твоя, ты бо претерпе бичевания, крестообразное к полу пригвождение, тела изсечение, сосцов вырывание, биение и осмеяние, в темнице заключение и иныя злострадания. Ныне же, венцем Царствия Небеснаго венчавшися, со всеми святыми взываеши: Аллилуиа.
Икос 10

Стена и адамант тверд была еси, егда на растерзание зверем ведена являешися, лев бо у ног твоих ласкашеся и не растерзаша тя, но егда хотяху отъяти льва, сей абие разсвирепе и разтерза сановника Евмениа, указуя силу христианскую. Сего ради глаголем в страсе:

Радуйся, зверей в агнцев претворяющая; радуйся, молитвою их умягчающая.

Радуйся, за смерть Евмениеву мучимая; радуйся, на древе повешенная.

Радуйся, железными когтьми стружаемая; радуйся, в волхвовании оклеветанная.

Радуйся, нас клеветы избавляющая; радуйся, от злаго волхвования нас сохраняющая.

Радуйся, благоуханный цвете девства, славная мученице Татиано.
Кондак 11

Пение непрестанное вознося ко Господу, была еси вместилищем силы и славы Божия. Сего ради молим тя: умоли Господа за нас грешных, святая мученице Татиано, да ниспослет и нам чудеса милости Своея, песнопоющим ныне: Аллилуиа.
Икос 11

Светоподательная свеща бысть во страдании твоем, святая мученице, озаряя светом сердца языческия, да обрящут тобою истиннаго Бога, да водворятся их души в селениих райских. Сего ради умильно восклицаем ти:

Радуйся, носительнице света благодатнаго; радуйся, солнце лежащих во зле.

Радуйся, ты бо нас светом озаряеши; радуйся, ты бо нас к блаженству ведеши.

Радуйся, в капище Зевса заключенная; радуйся, его низложившая и разсыпавшая.

Радуйся, власов лишившаяся; радуйся, яко язычницы мысляху, яко во власех твоих чары обретаются.

Радуйся, и по острижении власов чудотворящая силою Христовою.

Радуйся, благоуханный цвете девства, славная мученице Татиано.
Кондак 12

Благодать от Бога получивши, к смертному часу пришла еси, егда бысть в капище Зевса заключена, и поутру, егда приидоша язычестии жрецы, видевше Зевса повержена, а тя ликующу, паки ведоша тя на судилище, и бысть смерть твоя от усечения мечнаго. Ты же, славная мученице, готовящися к селением небесным, взывала еси: Аллилуиа.
Икос 12

Поюще твое усечение мечное, восхваляем отшествие твое в вожделенное отечество, идеже ныне ты ликуеши со Ангелы и со всеми святыми во славе невечерней. Сего ради приими от нас словеса сия:

Радуйся, мечем усеченная за Христа; радуйся, с родителем твоим пострадавшая.

Радуйся, венцев мученических сподобившаяся; радуйся, со Христом сочетавшаяся.

Радуйся, со Апостолы ликующая; радуйся, со святыми мученики хвалу Богу возносящая.

Радуйся, не лишившая нас радости твоея; радуйся, наши сердца зажигающая Божественным огнем.

Радуйся, идолов наших попирающая; радуйся, начертавшая нам славу Христа.

Радуйся, благоуханный цвете девства, славная мученице Татиано.
Кондак 13

О, всеславная и великоименитая мученице Христова Татиано, девства и чистоты сосуд златый! Ныне милостивно призри на молящияся ти и прилежно просящия твоего молитвеннаго у Бога предстательства. Даруй нам чистоту тела и души, избави нас мучений греховных, да выну Господу зовем: Аллилуиа.

Этот кондак читается трижды, затем 1-й икос «Ангелов Творец ...» и 1-й кондак «Избранней невесте...».
Молитва

О, святая мученице Татиано, невесто Сладчайшаго Жениха твоего Христа, агнице Агнца Божественнаго, голубице целомудрия, страданьми, яко одеждами царскими одеянная, к ликом небесным сопричтенная, ликующая ныне во славе вечней, от дней младых Богу обещавшаяся святая служительнице Церкве, целомудрие соблюдшая и паче всех благ Господа возлюбившая! Тебе мы молимся и тебе мы просим: внемли прошением нашим сердечным и не отвергай молений наших. Даруй чистоту тела и души, вдохни любовь к Божественным истинам, на путь добродетельный введи нас, ангельское охранение испроси у Бога нам, наши раны и язвы телесныя исцели, в злострадании терпение даруй, греховныя язвы уврачуй, юность нашу огради, старость безболезненну и безбедну даруй, в смертнем часе помози. Поминай наши скорби и отраду даруй. Посети нас, сущих в темнице греха, на покаяние настави скоро, возжжи пламень молитвы, не оставь нас, сирых, да славяще страдания твоя, возсылаем хвалу Господу сил, всегда, ныне и присно, и во веки веков. Аминь.
Кондак, глас 4.

Светло во страдании твоем возсияла еси, страстотерпице, от кровей твоих преиспещрена, и, яко красная голубица, к Небеси возлетела еси, Татиано, темже моли присно за чтущия тя.
Вернуться к началу Перейти вниз
 
Акафист святой мученице Татиане
Вернуться к началу 
Страница 1 из 1
 Похожие темы
-
» Акафист святой благоверной княжне Ефросинии Полоцкой
» Акафист Безплотным силам
» Акафист Архангелу Гавриилу
» Акафист архангелу Варахиилу
» Акафист собору Архангелов

Права доступа к этому форуму:Вы не можете отвечать на сообщения
Сумрачные дали :: БЕЛАЯ МАГИЯ :: МОЛИТВЫ-
Перейти: